Tuna-en-mieliekoekies
02 Februarie
4 Porsies
Braai
3
Tydens ’n episode van Die GROOT Ontbyt het koskonsultant Heleen Meyer tuna-en-mieliekoekies voorberei. Dié gereg is ideaal vir die kosblik. Kry haar resep hier.
Bestanddele
170 g tuna
410 g Rodes Quality geroomde suikermielies
180 ml bevrore ertjies
250 ml volkoringmeel
2 ml bakpoeier
2 Nulaid eiers
30 ml vars pietersielie
1 ml sout
15 ml suurlemoensap
swartpeper
30 ml avokado- of olyfolie
Metode
- Plaas al die bestanddele, behalwe die olie, in 'n groot mengbak. Roer tot goed gemeng.
- Verhit die helfte van die olie olie oor matige hitte in 'n braaipan. Braai lepelsvol van die beslag aan beide kante tot goudbruin en gaar.
- Skep uit en dreineer op kombuispapier. Herhaal met die orige beslag en olie.
- Sit voor as deel van 'n kosblik met slaaibestanddele waarvan jou gesin sal hou.
Hierdie resep word met trots deur Pharma Dynamics Cooking from the heart, Nulaid, Gemstone Fruit® en Rhodes Quality geborg.