LAAT WAAI:

1. Gebruik jou skerpste mes en sny die eiervrug in die helfte, sny kepe in die boonste gedeelte van die “vleis’ van die eiervrug in ‘n diamantvorm. Moet nie reg deur die vel sny nie, net bolangs sodat die marinade regdeur die eiervrug kan intrek.

2. Meng al die bestandele saam vir die marinade en gooi dit oor die eiervrug in ‘n bak, laat die eiervrug marineer met hulle “vleiskant” na onder vir ‘n paar uur terwyl jy solank die vuur aansteek.

3. Maak die mayonnaise: Breek die eier in die houer van jou handmenger. Voeg die sout en ryswynasayn by. Voeg die sesame olie en canola olie laaste by en laat dit bo-op dryf.

4. Plaas jou handmenger reguit af in die mengsel en begin meng deur jou handmenger heel onder in die houer stil te hou en meng. Die mengsel sal stadig maar seker bymekaar begin kom en soos mayonaise begin lyk. Wanneer meeste van die olie deel is van die mengsel beweeg die handmenger stadig op en af om al die laaste olie deel te maak van die mengsel totdat alles goed saam gemeng is en jy perfekte mayonaise het. Hou die mayonnaise so lank in die yskas.

5. Braai die eiervrug oor warm kole, begin met die vleiskant na onder vir omtrent 3 - 4 minute. Daarna draai dit om en braai dit vir omtrent 6 minute met die vel kant na onder. Waneer die vel lekker geskroei is en die binnekant begin borrel en taai word is jou eiervrug reg vir afhaal.

6. Bedien die eervrug op ‘n bord en rasper vars gemmer en lemmetjie of suurmelmoenskil oor. Sit klein skeppies mayonnaise bo op die eiervrug en bedien met vars koljanderblare.