Breëboonbroodjies (Elfbord 3) – Nataniël.Erik.Wolf.
28 November
Bedien vier porsies
Braai
Gaan bietjie mal met braaibroodjies en probeer hierdie heerlike, maklike resep.
Bestanddele
4 groot snye brood, gebak met neute
200g gekookte breëbone, afgekoel
2 radyse, in 12 skywe gesny
120g ingelegde heel tuna in olyfolie
12 kappertjies of kappertjieblomme
4 teelepels suurlemoenskil, gerasper
4 takkies pietersielie
seesout
grofgemaalde swartpeper
Metode
Bedrup brood met olyfolie aan beide kante en rooster tot goudbruin.
Druk breëbone rofweg stukkend met vurk.
Geur met seesout en peper.
Plaas bone op brood.
Plaas tuna bo-op bone.
Voeg radyse, kappertjies en suurlemoenskil by.
Plaas pietersielie bo-op.
Bedrup met olyfolie en bedien.