LAAT WAAI:

1. Maak die roosterkoek: Meng die meel, sout en gis saam. Smelt die botter en hou dit eenkant om effens af te koel. Voeg die water by die meel en meng dit goed tot dit ʼn sagte deeg vorm. Voeg die gesmelte botter stadig by en meng tot alles goed saam gemeng is en die deeg glad en blink is.
2. Plaas die deeg in ‘n bak en bedek dit met kleefplastiek. Laat dit rys tot dubbel die grote. Indien jy baie tyd het kan jy dit ook oornag in die yskas los.
3. Knie die deeg af en gebruik jou hande om roosterkoeke te vorm. Vryf ‘n bietjie olie op jou hande om te help dat die deeg nie vassit nie. Laat die roosterkoeke weer rys en braai dan oor matige hitte. Draai die roosterkoeke gereed en braai tot hulle bros is en hol klink aan die buite kant en sag en gaar binne.
4. Sny die tong in skywe en geur met sout en peper. Braai die tong steaks oor baie warm kole vir omtrent 5 - 7 minute. 
5. Smelt die botter in ‘n pan aan die kant saam met die knoffel en tiemie. Laat dit effens afkoel.
6. Laat die steaks rus in hierdie pan met die botter terwyl jy solank al jou bestanddele regkry.
7. Bedien die tong binne die roosterkoek met snye tamatie, blaarslaai en ʼn mildelike hoeveelheid Jan Braai Prego sous.