LAAT WAAI!

1. Verhit die olie in 'n potjie op die vuur of 'n pot op die stoof en braai die uie 'n paar minute daarin. Voeg dan die ander marinadebestanddele by. Roer deeglik, kry dit aan die kook en laat dit vir so 10 minute prut.
2. Haal die marinade van die hitte af en laat dit 'n uur of twee afkoel tot kamertemperatuur. Gooi dit in 'n groot bak en voeg dan die vleis by. Maak die bak toe en laat die vleis vir minstens 12 ure in die yskas marineer, maar verkieslik vir twee of drie dae. Roer die vleis elke 8 tot 12 ure om seker te maak elke blokkie het alkant ordentlik kontak met die marinade gehad.
3. Sit die sosaties aanmekaar deur die blokkies vleis saam met die blokkies spek, droëperskes en gedroogde appelkose op sosatiepenne te ryg.
4. Braai die sosaties vir omtrent 12 minute oor medium-warm kole en stel jou rooster redelik hoog. Die suiker in die marinade en die suiker in die perskes en appelkose kan gou brand, so vat dit rustig met die hitte. Ons braai nie steak nie.