Logo

Gebraaide rys met dadels, borrie en kruie – Nataniël.Erik.Wolf.

31 Oktober

Braai

'n Heerlike, watertand rysgereg wat 'n lekker soet-sout smaak in die mond bring. Probeer dit vandag!

Gebraaide rys met dadels, borrie en kruie
Bestanddele

400g risotti- of paellarys

4 eetlpl druiwepitolie

2 knoffelhuisies, gerasper

1 tlpl vars gemmer, gerasper

2 tlpl fyn borrie

2 loerierblare

70g dadels

fyngerasperde skil van 1 suurlemoen

1 opgehoopte tlpl fyn komyn

30g klapperflokkies

sap van 1 suurlemoen

seesout

60g vars koljanderblare, grofgekap

60g vars kruisementblare, grofgekap

Metode

Kook rys in heelwat water tot net gaar, dreineer en laat afkoel.

Verhit druiwepitolie, knoffel, gemmer, borrie, loerierblare, dadels en skil in groot pan, laat prut oor medium hitte vir 4 tot 5 minute.

Verwyder van hitte en gooi in mengbak.

Skep rys in dieselfde pan en druk plat met lepel, laat braai oor hoër hitte tot goudbruin aan onderkant, 3 tot 4 minute (rys sal aan mekaar vassit, lig kant met spatula om te kleur te sien).

Gebruik een of twee spatulas en draai om, druk weer plat en sprinkel met komyn, braai tot onderkant goudbruin is.

Skep rys in mengbak met kruie en olie, voeg klapperflokkies en sap by, roer versigtig om te meng, maar dat rys steeds in stukkies bly.

Geur mildelik met sout en proe, roer koljanderblare en kruisement by, bedien warm of louwarm.

witboontert
Erik se witboontert – Nataniël.Erik.Wolf.
Sub Titel

Erik se witboontert – Nataniël.Erik.Wolf.

Gewildste Resepte