LAAT WAAI!

1. Steek ’n lekker groot vuur in jou Megamaster roker aan, en maak seker al die kleppe van die roker is oop. Die oondgedeelte van die roker moet toe wees om hitte op te bou.
2. Maak die sous deur al die bestandele deeglik saam te klits en sit dit in die yskas.
3. Gooi al die kruiesout bestanddele saam in ’n bak en meng deeglik. Bestrooi die hoender ordentlik met die kruiesout en vryf die sout deeglik in orals op die hoender.
4. Plaas die hoender en aartappels in die die roker. Maak die deksel toe en laat die hoender nou rook en bak vir ongeveer twee ure. Probeer jou roker se temperatuur bo 160 grade Celsius hou deur telkens nog hout by te gooi. 180 is ook reg. Rook hom totdat die hoender gaar en goudbruin is en die aartappels gaar en sag is. As die roker te warm word, maak net die groot oondkamer se deur oop sodat van die hitte kan ontsnap.
5. Plaas die hoender en aartappels op ’n snybord en laat dit rus en afkoel. Sny die hoender met jou skerpste koksmes van die bene af en kerf op in kleiner stukke. Haal enige bene uit. Gooi die vleis in ’n groot opdienbak.
6. Sny die aartappels in kwarte en gooi dit ook saam met die hoender in die bak.
7. Gooi die sous oor die hoender en aartappels en meng dit deur. Garneer met ekstra grasuie.