Berei 'n warm direkte vuur voor en versprei die kole sodat jy medium tot hoë hitte kry.

Meng die roosmaryn, rissie, asyn, olyfolie, bruinsuiker en rooi ui saam in 'n bak. Gooi oor die steak en marineer vir minstens 2 ure. Draai die steak van tyd tot tyd om.

Wanneer die vuur gereed is, seël die steak aan albei kante en skuif eenkant om gaar te raak. Braai vir 10 minute aan elke kant en besmeer voortdurend met marinade. Plaas die deksel op en laat vir nog 'n paar minute gaar raak.

Vir die mieliemeel, plaas die klappermelk in 'n pot en laat kook. Voeg die gemmer en mieliemeel by en roer terwyl jy dit byvoeg. Kook vir 20 minute en hou aan roer tot sag.

Vir die salsa, meng die gekapte bestanddele en slaaisous in 'n bak saam. Laat staan.

Verwyder die steak van die hitte en laat rus.

Bedien met 'n lepel gemmer-mieliemeel met die gesnyde steak bo-oor en 'n lepel vol salsa daarby.

Klappermelk met verminderde vet is by Pick n Pay beskikbaar en dit is 'n gesonder, laevet alternatief wat lekker smaak. Die olie-inhoud van die salsa kan gehalveer word om kalorieë te verminder.