Nutella wafel-stapel met mascarpone en bessies
29 Augustus
5
Kokkedoor se .... en ... het vandeesweek die romantiek van die stad se neonliggies en ‘n flikkerende kampvuur bymekaargebring met hul Nutella wafel-stapel met Mascarpone en Bessies. Kry die resep hier.
Bestanddele
Vir die versierings:
5 ml vanielje-ekstrak
250 ml mascarpone
375 ml gemengde bessies (soos bloubessies, frambose, swartbessies en appelliefies)
125 ml suiker
Nutella of enige sjokoladesmeer van jou keuse
Vir die wafels:
2 k veeldoelige meel
1 t sout
20 ml bakpoeier
30 ml witsuiker
2 eiers
375 ml melk warmgemaak
80 ml botter gesmelt
Metode
- Voor jy die wafels maak, week die bessies deur hulle almal in ’n bak te meng met suiker en dan te laat staan vir 30 minute, roer nou-en-dan.
- Om die wafels te maak, meng die meel, sout, bakpoeier en suiker saam in ’n groot bak en sit eenkant. Voorverhit wafelyster.
- In ’n aparte bak, klits die eiers. Roer die melk, gesmelte botter en vanielje ekstrak in. Voeg die melkmengsel by die meelmengsel en klits tot gemeng.
- Skep die beslag in ’n voorverhitte wafelyster. Kook die wafels tot goudbruin en bros.
- Om die wafel-stapel te vorm, plaas ’n wafel op jou opdienskottel en smeer Nutella bo-op. Herhaal hierdie proses met die res van die wafels en Nutella. Versier die wafel-stapel met ’n skeppie mascarpone, geweekte bessies en heuning druppels.