Tuna-en-eierbakkies
20 Februarie
4 Porsies
Gebak
4
Tydens ’n episode van Die GROOT Ontbyt het koskonsultant Heleen Meyer tuna-en-eierbakkies voorberei. Dié gereg is ideaal vir die kosblik. Kry haar resep hier.
Bestanddele
6 Nulaid eiers
125 ml gaar groenteblokkies van jou keuse
170 g tuna
15 ml Westfalia avokado-olie
5 ml paprika
1 ml sout
suurlemoensap
swartpeper
Metode
- Voorverhit die oond teen 180 °C en smeer ‘n muffinpan liggies met olie.
- Plaas al die bestanddele in ‘n groot mengbak en roer tot goed gemeng. Geur met suurlemoensap en peper.
- Skep die eiermengsel in die muffinpan. Bak vir 15-20 minutes of tot die eier gestol het. Laat effens afkoel en haal dan uit. Laat heeltemal afkoel.
- Sit voor as ligte middagete of as deel van ‘n kosblik.
Die resep word met trots aangebied deur Pharma Dynamics Cooking from the heart, Nulaid, JOYA® Appels en Westfalia Fruit Products.