Plaas botter en donker sjokolade in hitte-bestande bak, plaas oor klein kastrol met water wat liggies prut, roer tot gesmelt, laat afkoel terwyl beslag voorberei word.

Klits eiers, suiker en vanielje saam in groot mengbak.

Klits 2 eetlepel louwarm sjokolade by, klits dan res by.

Voeg meel, amandel, kakao en koffiepoeier by, meng tot net glad.

Voer 22cm x 22cm koekpan met bakpapier, laat genoeg bakpapier oorhang om koek uit te lig.

Skep beslag in pan, maak bokant gelyk, bak in oond teen 170˚C (waaier) vir 15 minute, verlaag hitte na 165˚C (waaier) en bak vir ’n verdere 20 minute.

Verwyder uit oond en laat afkoel tot louwarm, gebruik ronde koekievorm en sny 6 tot 8 koekies uit, laat heeltemal afkoel.

Om te bedien:

Skep 1 of 2 teelepel *Mascarpone-room bo-op elke koekie, versier met bessies, klein sjokolades en ander vrugte, gebruik ’n klein siffie en strooi versiersuiker bo-oor, garneer met vars blomme.

Mascarpone-room:

Skep mascarpone in mengbak, voeg 2 teelepel strooisuiker en vanieljesaadjies by, meng tot glad.

Klits room en 1 teelepel strooisuiker saam in aparte mengbak tot sagte punte vorm, vou by mascarpone.

Bedek en plaas in yskas tot benodig.

(Mascarpone-room is meer as wat benodig word vir hierdie gereg, dit kan in yskas gehou word vir 2 tot 3 dae, bedien saam met vrugteslaai of ander gebak.)