Bestanddele
200 g Marie- of Tennisbeskuitjies
30 ml sjerrie, opsioneel
385 g blik kondensmelk
4 k melk
1 e botter, of margarien
2 eiers, ekstragroot
80 ml mielieblom
1 t vanieljegeursel
fyn kaneel, om bo-oor te sprinkel
Metode
Plaas die beskuitjies op die bodem van 'n groot tertbak. Sprinkel die sjerrie oor.
Meng die kondensmelk, melk en botter saam in 'n bak en mikrogolf 5 minute lank by 100% krag.
Klits die eiers, mielieblom en geursel saam. Voeg die melkmengsel en mikrogolf 10 minute lank terwyl af en toe geroer word om klonte te voorkom.
Die mengsel sal geleidelik styf word. Giet oor die beskuitjies in die bak. Sprinkel fyn kaneel oor en hou in die yskas tot gestol.
Bron: Ons kookboek