Nantes jogurtkoek met bessies en Cognac-jellie – Nataniël.Erik.Wolf.
17 Oktober
Gebak
Geniet hierdie jogurtkoek gedurende 'n samesyn of hou die resep reg vir 'n Sondagmiddagtroos.
Bestanddele
100g sagte botter
6 eetlepels heuning
3 eiers
saadjies van 1 vanieljepeul
1 koppie bruismeel
knippie sout
500ml dik natuurlike jogurt
100ml melk
Bolaag:
Ongeveer 600g vars swartbessies
2 tot 3 eetlepels water
3 eetlepels Armagnac of Cognac
3 eetlepels swartbessiekonfyt
1 teelepel agar-agar (of 1 1/2 teelepel gelatienpoeier)
Metode
Verroom botter, heuning en vanieljesaadjies in mengbak.
Klits eiers by.
Voeg meel en sout by, meng goed.
Meng jogurt en melk by.
Voer bodem van 23cm losboompan met bakpapier, spuit met olie.
Gooi beslag in pan, bak in oond teen 170˚C (waaier) vir 45 minute, bedek losweg met foelie indien te vinnig verbruin.
Laat heeltemal afkoel in pan.
Bedien in piekniekstyl op uitsonderlike papierservette.
Bolaag:
Bedek die bokant van die koek met die vars bessies.
Verhit agar-agar, water en Cognac oor medium hitte, roer tot opgelos en glad.
Roer konfyt by, verwyder van hitte en drup oor bessies.