Wessels se bloukaas-en-vye-botterbroodjies
01 Julie
12 Botterbroodjies
Gebak
3
Tydens die tuigebak-uitdaging van die semi-finaal het die Koekedoor Wessels geurige bloukaas-en-vye-botterbroodjies voorberei. Hier is sy resep.
Bestanddele
280 g koekmeel
20 ml bakpoeier
5 ml sout
60 g botter
2 groen vye
50 g bloukaas
100 g Cheddarkaas
1 eier
190 ml melk
Metode
- Sif droë bestanddele saam.
- Vryf botter in meelmengsel in tot dit soos krummels lyk.
- Roer vye, bloukaas en cheddar by.
- Klits eiers en melk en sny versigtig met mes by meelmengsel to deeg vorm.
- Rol sowat 1.5 cm dik uit en druk sirkels van sowat 6 cm uit.
- Smeer melk bo-op en bak vir sowat 12 minute tot goudbruin en gaar.
Hierdie resep is eksklusief tot kykNET en die bakboek Koekedoor 2. Dit mag slegs met die toestemming van kykNET en Human & Rousseau gepubliseer word, hetsy elektronies of in druk.