Bestanddele
1 groot prei
250 g sampioene
25 g botter
100 ml aftreksel
150 ml room
sout
peper
Metode
- Braai die preie in ‘n bietjie olie tot sag maar nie bruin nie. Skep uit en hou apart.
- Sny die sampioene in skywe en plaas in ‘n koue pan met die botter bo-op. Geur met sout en peper. Plaas op ‘n medium-warm stoofplaat met ‘n deksel op. Laat stadig sweet totdat ‘n sous vorm.
- Voeg die preie en aftreksel by. Bring tot kookpunt.
- Voeg die room by en laat stadig prut totdat die sous effens verdik.
- Bedien dadelik.