Bestanddele
1/2 rooibok-boud
250 g spek
netvet
500 ml rooibostee
500 ml karringmelk
2,5 ml naeltjies
25 ml koljander
8 takkies tiemie
3 lourierblare
3 wortels
2 uie
2 selderystingels
Metode
- Gebruik 'n mes en maak 'n insnyding saam met die grein. Steek 'n stukkie vet daarin. Herhaal met die hele stuk vleis, bo en onder.
- Bedek die boud met die netvet.
- Meng die tee, karringmelk, nealtjies, koljander en kruie saam. Giet in 'n diep bak
- Plaas boud in die marinade en marinner oornag. Draai dit halfpad om. Hou toe met kleefplastiek.
- Verhit oond teen 120 °C. Plaas groente op die bodem van 'n diep oondbak.
- Skraap bietjie van die marinade af en plaas boud bo op die groente. Maak toe met foelie en bak vir ses ure.
- Draai die oond na 100 °C en bak vir nog ses ure.
- Giet van die sous af en verdik met mielieblom. Bedien met groente en aartappels.