Bestanddele
500 ml growwe mieliemeel
500 ml melk
500 ml water
90 ml olyf- of avokado-olie
2 mielies aan die stronk, gekook en pitte verwyder van stronk
3 - 4 t tiemieblare vars
sout na smaak
swartpeper (vars gemaal) na smaak
ui in dun wiggies gesny
125 g portabelline-sampioene in kwarte gesny
tiemietakkies ekstra
Metode
- Voorverhit die oond teen 180 °C. Voer ’n oondpan met bakpapier uit en smeer liggies met olie. (Gebruik liewer ’n vlakker as té diep pan, anders bak die gereg baie lank. Of smeer ’n oondbak liggies met olie.)
- Meng mieliemeel, melk, water, olie, helfte van die mieliepitte en die tiemieblare saam in ’n mengbak. Geur na smaak en skep in die oondbak.
- Pak die ui, sampioene en die res van die mielies in ’n eweredige laag oor die mieliemeelmengsel. Strooi tiemietakkies bo-op.
- Bak vir 1 uur of tot die meel gaar en gereg goudbruin bo-op is. Sit dadelilk warm voor of laat effens afkoel en sny dan in blokkies.
- Bedien as deel van ’n gebalanseerde piekniek of kosblik met vars slaaibestanddele, JAZZ™-appels en jou keuse van Richard Bosman se spesialiteit-kouevleis.