Bestanddele
1 ui
300 g maalvleis
5 ml fyn komyn
5 ml fyn koljander
sout
peper
1 blik tamatie- en brandrissie-smoor
1 blik rooibone
5 tortillas wraps
8 eiers
125 ml cheddarkaas
Metode
- Voorverhit oond teen 180 °C.
- Braai ui in bietjie olie, skep uit en hou eenkant.
- Braai maalvleis tot goudbruin. Gooi geurmiddels by en braai verder.
- Giet tamatie- en brandrissie-smoor en rooibone by, laat kook tot effens verdik.
- Sny tortilla in kleiner sirkels en druk vas in gesmeerde muffinpanne.
- Skep 2 eetlepels van die maalvleis-mengsel in koppie. Maak ‘n holte met lepel.
- Breek eier in holte. Bak vir 15 tot 20 minute of tot eier gaar is tot jou voorkeur. Strooi kaas oor tydens laaste 5 minute van bak.