Korslose botterneut en uiepastei
Gebak
3
Soos gesien in die derde episode van Terwyl ek wag
Bestanddele
1 heel Knoffelbal
500 g Botterneut
300 g Broccoli
3 Medium uie grofgekap
2 eetlepels Druiwepitolie
12 Jong tamaties
Seesout
Swartpeper grofgemaal
160 g Gouda gerasper
5 Eiers
3/4 koppie Vars room
1/2 koppie Vars pietersielie gekap
Metode
- Draai knoffelbal in foelie en bak in oond teen 180˚C vir 50 minute
- Karamaliseer uie met druiwepitolie in kastrolletjie oor lae hitte, ongeveer 40 minute
- Sny botterneut in blokkies en stoom tot gaar maar ferm
- Sny broccoli in stukkies en stoom tot gaar maar ferm
- Skep uie op bodem van 23cm ronde pasteibak of diep oondvaste tertbak
- Skep botterneut en broccoli bo-oor
- Sny tamaties in helftes en skep vloeistof uit
- Strooi tamaties bo-oor
- Geur met sout en peper
- Strooi kaas bo-oor
- Druk vlees van knoffel uit in mengbak
- Voeg eiers, room en pietersielie by, klits goed
- Geur liggies met sout en peper en gooi bo-oor groente
- Bak in oond teen 175˚C (waaier) tot goudbruin, 40 tot 50 minute
- Laat afkoel
- Sny in skywe en bedien louwarm of teen kamertemperatuur