Vir die kors:

• Voorverhit die oond tot 180°C.
• Smeer en voer die losboomkoekpan van 23cm met bakpapier uit. 
• Maak die kors deur die botter in die mikrogolfoond te smelt en dit dan in ‘n groot mengbak by die fyngemaalde beskuitjies en koffie in te roer.
• Druk die mengsel netjies op die boom en teen die kante van die koekpan vas en bak vir 10 minute. 
• Laat die kors afkoel terwyl die vulsel voorberei word.

Vir die vulsel:

• Verhoog die oond na 230°C. 
• Plaas die roomkaas in die mengbak van die elektriese menger, gebruik die menger se spaan-hegstuk en klop tot romerig. 
• Voeg die suiker en meel by en klop vir ‘n verdere 3 minute. 
• Voeg die eiers en eiergeel een vir een by, onthou om die kante van die bak gereeld skoon te skraap. 
• Roer die suurroom en vanieljegeursel by. 
• Voeg heel laaste die sterk espresso by en meng goed. 
• Giet die vulsel in die voorbereide pan en bak vir 10 minute. 
• Verlaag die oond na 110°C en bak vir nog 30min. 
• Wanneer baktyd voltooi is laat die kaaskoek in die oond afkoel vir ‘n uur met die oond ‘n skrefie oop. 
• Na baktyd, laat die koek oornag binne die yskas afkoel. 

Vir die bolaag:

• Plaas die 125ml vars room in ‘n kastrol op die stoof en bring tot by kookpunt, verwyder dadelik en voeg donker sjokolade by die room. 
• Roer die sjokolade deur totdat dit smeerbaar is en smeer as bolaag oor jou kaaskoek.
• Versier met seisoenale bessies van jou keuse.