Bestanddele
500 g vars waterblommetjies gaar gestoom
6 vars aspersies
1 pakkie jong peulertjies
1 avokado in skyfies gesny
30 ml vars koljanderblare fyn gekap
250 g spek in blokkies gesny
0.5 ui in blokkies gesny
4 sprietuie fyn gesny
2 knoffelhuisies fyn gepers
30 ml olyfolie
5 ml vars lemmetjiesap
15 ml balsamiese asyn
Sout en peper na smaak
Metode
Braai die spek, knoffel, uie en sprietuie oor matige hitte in ‘n pan totdat die spek gaar is.
Voeg die aspersies en peulertjies by en braai totdat die aspersie gaar, maar nog ferm is.
Gooi die gestoomde waterblommetjies by en laat hulle regdeur warm word. Roer gereeld.
Haal van die hitte af en voeg die asyn, lemmetjiesap, koljanderblare en olyfolie by en meng goed.
Skep in ‘n opdienbak en pak die avokado skyfies bo-oor.
Sit by kamertemperatuur voor.