Vir die viskuite:

Spoel die viskuite goed af en druk goed droog met kombuis handdoek papier. Sit eenkant.

Meng al die droë bestanddele saam. Voeg die bier bietjie vir bietjie by om ‘n loperige deeg te maak.
Nie te loperig nie, dit moet steeds aan die kuite vassit. Dieselfde deeg wat jy sal gebruik om
gebraaide vis in te doop.

Verhit die olie in ‘n pot. Doop die kuite een op ‘n slag in die deeg en plaas dan versigtig in die warm
olie. Braai tot goudbruin en gaar.

Sit warm voor met lekker vars brood.

Vir die tamatiesmoortjie: 

Braai die olyfolie, uie en knoffel in ‘n pan oor matige hitte totdat die uie begin karamelliseer.

Gooi die vars tamatie by en laat lekker prut vir 6 minute.

Voeg nou die blikkie tamatie, heuning en vars koljander by en laat rustig eenkant prut.

Roer gereed en indien nodig, voeg bietjie van die water by as die smoor te dik raak.