Tamatie-en-spek-blatjang
22 November
4 Porsies
3
In ’n episode van Die GROOT Ontbyt is daar heerlike tamatie-en-spek-blatjang voorberei. Hier is die resep.
Bestanddele
200 g gerookte spek
1 kg tamaties
1 ui
125 ml witsuiker
45 ml appelasyn
7 ml sout
1 ml swartpeper
druppel Tabasco-sous
Metode
- Braai die spek in 'n groot pan oor medium-hitte. Draai dit gereeld om tot verbruin – sowat 10 minute. Plaas op kombuispapier. Verkrummel sodra dit afgekoel het.
- Voeg tamatie, ui, suiker, appelasyn, sout, swartpeper en Tabasco-sous saam in 'n souspan en bring tot kookpunt. Roer voortdurend totdat die suiker opgelos het.
- Voeg die spek by en prut oor medium-hitte totdat dit verdik – sowat 'n uur. Roer voortdurend. Voeg sout en peper by na smaak.