Bestanddele
Rooibokboud ontbeen
450 ml Beesaftreksel
2 koppies Koffie
Dadels in kwarte gesny
50 g Tamatiepatee
Knoffel na smaak
1/2 Lemoen se skil
Roosmaryntakkies na smaak
Olyfolie
2 Uie
Rissiepoeier na smaak
10 ml Heuning
10 ml Rooiwynasyn
1 Kaneelstokkie
Sout
Peper
Metode
- Verhit die olyfolie in jou pot en plaas die rooibokboud in die olyfolie en verbruin dit totdat dit verseël is.
- Sodra die rooibokboud geseël is, haal dit uit vir verdere voorbereiding.
- Terwyl die vleis voorberei word, braai die uie in die oorblywende olie tot sag en gekarameliseer.
- Sny gate in die boud en vul dit met die knoffel en dadels. Waar die been uitgehaal is stop dit vol dadels, knoffel en roosmaryn.
- Plaas die rooibokboud terug in jou pot saam met die uie, gooi die rooiwynasyn oor die boud en strooi speserye oor .
- Vir die sous: voeg die bees aftreksel, vars uitgedrukte lemoensap en tamatie patee bymekaar. Meng goed met ‘n vurk en voeg die mengsel in jou pot. Moenie dit direk op die vleis gooi nie, maar hou dit aan die kante van jou pot.
- Voeg dan die belangrikste element, die koffie by, weereens langs die kant en nie oor die vleis nie.
- Strooi die lemoenskil oor die rooibokboud en plaas die kaneelstokkie bo-op.
- Laastens gooi die heuning oor die rooibokboud.
- Plaas die deksel op en in die oond/vuur vir ongeveer 3 tot 4 ure tot gaar. Geniet!