Bestanddele
2 k melk louwarm
1 k suiker
1 sakkie kitsgis
6 eiers groot
1 t vanielje-ekstrak
6 k meel plus ekstra om mee te bestrooi
1 t Five Spice
1 t kaneel
1/2 k vrugtekoek-mengsel
200 g botter koud en in blokkies gesny
heuning vir bo-op
bietjie meel en water in ’n pasta gemeng vir die X bo-op
Metode
- Kombineer die melk, gis, suiker, eiers en vanilla saam in beker.
- Plaas die meel, speserye en vrugtekoek-mengsel in menger. Voeg 3/4 van die nat mengsel by die meel en verwerk met die deeghaak.
- Voeg die res bietjie vir bietjie by tot ’n elastiese deeg vorm. Verwerk in die menger tot die deeg mooi glad raak.
- Voeg die botter bietjie vir bietjie by totdat alles in die deeg ingewerk is.
- Plaas die deeg in ’n bak om te rys tot verdubbel in volume.
- Keer dan uit op meel-bestrooide oppervlak en verdeel in balletjies.
- Plaas op bakplaat met spasies tussenin om plek te laat vir rys – laat sowat 20 minute rys of tot die balletjies weer in grootte verdubbel het.
- Spuit die kruise op die balletjies met ’n versierspuit en bak in ’n voorverhitte oond teen 160 °C tot ligbruin en gaar.
- Verf die warm balletjies met heuning en laat effens afkoel.
WENK: Dit kan bedien word met ’n vinnige vrugte konfyt (enige vrugte wat in April in seisoen is in ’n pan met bietjie water en suiker gestoof, of selfs gevriede bessies – amper soos ’n compote). Dit kan ook bedien word met kankonfyt en bietjie gerasperde kaas.