Eerste lente – Nataniël. Erik. Wolf.
17 Oktober
Hoeveelhede net rofweg, pas aan volgens voorkeur.
Dis een van die heerlike, maklike resepte wat Nataniël uit Frankryk gestuur het. Probeer jy dit self en geniet dit!
Bestanddele
180g groenboontjies, steeltjies verwyder
250g dun geelwortels of groter wortels, in repe gesny
5 eetlpl druiwepitolie
250g medium tot groot bruin sampioene, in repe gesny
ongeveer 250g 12 klein uitjies,
3/4 kp wyn
1/2 kp groente-aftreksel
200g vars ertjies
12 vars aspersies (ongeveer 150g), gewas en in derdes gesny
4 tot 6 artisjokharte (die soort in olie), in helftes gesny
seesout
grofgemaalde swartpeper
neutmuskaat
Metode
Plaas boontjies en geelwortelrepe in pot met kokende water, laat kook vir drie minute, dreineer en hou eenkant.
Verhit drie eetlepels druiwepitolie in pan en braai sampioene vir sewe minute, skep uit pan en hou eenkant.
Verhit twee eetlepels druiwepitolie in dieselfde pan en braai uie vir vyf minute.
Voeg wyn, 1/4 kp aftreksel, boontjies en wortels by, laat prut vir agt minute.
Voeg aspersies en ertjies asook res van aftreksel by, laat prut vir agt minute.
Voeg sampioene en artisjokke by, laat prut vir een minuut.
Geur liggies met sout, peper en neutmuskaat.