Gebakte lamribbetjies
19 Januarie
4 Porsies
5
Tydens ’n episode van Die GROOT Ontbyt het sjef Maritha Steyn gebakte lamribbetjies met eiervrug, tamaties, olywe en kruisement voorberei. Kry haar resep hier.
Bestanddele
rib lamsribbetjie
2 eiervrug
8 tamaties
ekstra suiwer olyfolie
8 huisies knoffel
gedroogde oreganum
seesout
peper
80 g olywe
20 g vars kruisement
2 ml suiker
30 ml rooiwyn-asyn
Metode
- Voorverhit oond teen 200 °C.
- Maak insnydings op die vet van die lam en plaas eenkant.
- Sny eiervrug in 2.5 cm skywe en halveer tamaties.
- Borsel eiervrug met olyfolie, braai aan beide kante vir kleur en plaas op een kant van bakplaat.
- Plaas tamaties, knoffel op die ander kant, langs die eiervrug, en bestooi met oregano, sout en peper.
- Bedrup met olyfolie en plaas lam met vet na bo langs die tamaties en eiervrug.
- Bak vir sowat 30 minute.
- Voeg olywe by tydens die laaste 5 minute.
- Laat rus vir 5 minute en bedien.