Thrift tot die Dood - Silwerskermfees 2023

Is jou gunsteling boek al aangepas vir die skerm?

Drie jaar ná die dood van haar lieflingskind, Elouise, voel Mara steeds haar teenwoordigheid wanneer sy op die skoenlapperbeddegoed voor die potjie met haar as in sit. Mara reël vir Elouise ʼn twaalfde verjaarsdagpartytjie en vervreem haar hierdeur verder van haar man, Rigter, en oorblywende dogter, Hannah. Alhoewel Mara uiteindelik op aandrang van haar eggenoot Elouise se kamer ontruim, vind sy wel ‘n manier om naby aan Elouise te bly. Kort voor lank ontdek Hannah egter haar ma se geheim.

’n Bendegeteisterde gemeenskap op die Kaapse Vlaktes word met ’n ystervuis deur die gevreesde Muay Thai-skopbokser The Kingpin regeer. Clifford Smit is ’n gedissiplineerde afrigter van tradisionele Oosterse gevegskuns en hy probeer om jongmense uit die kloue van bendes te bevry. Clifford se lewe stort in duie wanneer sy vrou brutaal vermoor word omdat hy die Kingpin se seun gewerf het. Toe Clifford langs sy vrou se liggaam staan, word hy oorweldig deur ’n drang na vergelding. Hy voel verskeurd tussen die Oosterse geloof in die draak as simbool van goedheid en geluk, en die Westerse idee van die draak as ’n ondier wat dood en verwoesting saai. Hy kies om sy erekode te breek en sweer wraak.

Amor Vittone deel met Rian die gesprek wat sy met Joost van der Westhuizen gehad het voor sy dood.