Silwerskermfees-veldtog – Silwerskermfees 2022

“Die tragiese saak van Pamina Vermaak”, die Afrikaanse rolprent gegrond op Annie Klopper se trefferboek wat by die kykNET Silwerskermfees in 2023 gedebuteer het, sal vanaf 11 Februarie op DStv BoxOffice beskikbaar wees.

Deon-Lee Hendricks van Cloetesville, Stellenbosch, berei voor op die landloopproewe waar die Suid-Afrikaanse span gekies word wat hul land in Australië by die World Athletics-landloopkampioenskap sal verteenwoordig. Deon-Lee wíl daardie span haal. Langafstand wys watter uitdagings hy moes oorkom om hierdie droom na te jaag. Dié kort dokkie verken sy komvandaan: sy gesin, die effek wat die afsterwe van sy ma op hom gehad het, die moontlike rede hoekom hy sleeptong praat en die gebroke gemeenskap van Cloetesville wat ’n opdraande ekonomiese stryd voer. Daar is ook insiggewende onderhoude met sy afrigter, Jacques Jansen van Rensburg, en sy mentor en haar span, Elana Van Zyl Meyer en Zola Budd-Pieterse.

Born Behind Bars is 'n dokumenter oor aanhouding spesifiek binne die vroulike afdeling van Johannesburg Korrektiewe Sentrum. Dit gaan agter die hoe mure en gietysterdeure om die storie van oor te dra Morwesi Theledi, 'n verwagtende ma, in hegtenis geneem en afwagtende spoor tydens haar tweede trimester. Sy word tot 10 jaar agter tralies gevonnis, en gedurende hierdie tyd baar haar babaseuntjie onder onmenslike omstandighede. Haar dae met haar bondeltjie vreugde is getel en na 2 jaar van onafskeidbaar wees, word hy vir haar kant geruk, om saam met haar gesin in Soweto te woon, dit is wanneer Morwesi se wedergeboorte plaasvind.

Hoe ervaar jy ’n Afrika-sonsondergang of die rykdom aan diere, plante, voëls en landskappe in die Kruger Wildtuin as jy nie kan sien nie? Call of the Wild verken hierdie vraag saam met Anika, ’n jong weeskind wat gesiggestremd gebore is, maar ’n verbysterende gawe het om ’n wye verskeidenheid voëlgeluide uit te ken. Hierdie kort dokumentêr volg Anika op ’n buitengewone bos-ontdekkingsreis, ontwerp deur die klankspesialiste Derrick en Sarah Solomon. Dis ’n klanksafari wat jou met nuwe ore na die klanke van die Wildtuin laat luister en jou verstom met wat jy alles kan hoor.