Die toekoms – Silwerskermfees 2019

In die hart van die V&A Waterfront in Kaapstad, beskerm ’n toegewyde span van die Two Oceans Aquarium Foundation die stedelike wildlewe – voëls, sonvisse, robbe en alles anders wat leef en beef – te midde van drukkende skares en ’n werkende hawe. Hulle beperk konflik, adviseer rondom uitbreidings en die impak daarvan op die wildlewe en werk saam om ’n toekoms te probeer te skep waar mens en dier in harmonie binne die stadsomgewing saamleef. Die span moet dikwels die ontstellende lyding van diere verduur, maar dit spoor hulle aan om te volhard met die moeilike taak wat hulle aangepak het. #Silwerskermfees

Dit is 1994, en ná jare van spanningsvolle onderhandelinge en die eerste demokratiese verkiesing, is die regering van nasionale eenheid gereed om aan te meld vir diens. Marie is die jarelange sekretaresse van die minister van minerale hulpbronne, Hendrik van der Merwe. Sy moet reëlings tref vir Van der Merwe se vergadering met die nuwe minister van verdediging, Mayihlome Khumalo. Marie is gereed om die ideale van ’n nuwe Suid-Afrika te omhels. Sy is selfs bereid om haar toekoms op die spel te plaas om by te dra tot die nuwe Suid-Afrika, of altans, die Republiek van Suid-Afrika. #Silwerskermfees

“Sh*t happens en ek sal definitief in die toekoms weer so iets doen.” Hoe voel Stanley nadat hy uitgestem is?

“Ons glo in die toekoms van Afrikaanse film en televisie, in die belangrikheid van ’n wye verskeidenheid stemme, en in die krag van stories om lewens te verander.”