Snoekpatee
14 Augustus
4 – 6 porsies
Braai
3
As jy toevallig met oorskiet- gebraaide snoek sit, is snoekpatee die beste manier om dit te gebruik.
Bestanddele
250 g Gebraaide / Gerookte Snoek
1/2 Suurlemoen se sap
250 g Roomkaas
1 sopie Mayonnaise
1/2 sopie Pietersielie fyngekap
1/2 sopie Grasuie fyngekap
Sout
Swartpeper
Brood gesny
Metode
- Haal al die grate uit die snoek en verwyder die vel. Breek nou die vis in vlokkies op met jou skoon hande. Let wel: Maak doodseker jy haal al die grate uit.
- Sit die gevlokte snoek in ‘n mengbak saam met die suurlemoensap, roomkaas, mayonnaise, pietersielie en grasuie. Meng dit met ‘n vurk tot glad en smeerbaar.
- Proe aan die patee en voeg sout en peper by na smaak. Hoeveel sout en peper jy byvoeg, sal natuurlik afhang van hoe sterk jou oorskiet-snoek gegeur was.
- Smeer die patee lekker dik op roosterkoek of enige ander varsgebakte of geroosterde brood. Smul daaraan langs die vuur met ‘n glas witwyn in die hand.
EN ...Vyfhonderd gram vars snoek gee jou omtrent 250 tot 275 g gaar gevlokte snoek (sonder die grate en vel). Vars vis verloor nogal baie vog op die kole. Hou dit in gedagte wanneer jy vars snoek koop, veral vir dié resep.