Karringmelk-en-kaasmuffins
04 Julie
12 Muffins
Gebak
3
Koskonsultant Heleen Meyer het tydens ’n episode van Die GROOT Ontbyt karringmelk-en-kaasmuffins voorberei. Dié gereg is ideaal vir die kosblik.
Bestanddele
750 ml koekmeel
60 ml semels
15 ml bakpoeier
500 ml karringmelk
30 ml water
1 eier
15 ml gemengde kruie gedroog (of gekapte vars pietersielie)
2,5 ml sout
125 ml Cheddarkaas gerasper
Metode
- Voorverhit die oond teen 180 °C en smeer ’n muffinpannetjie liggies met olie.
- Meng al die droë bestanddele saam in ‘n groot mengbak. Maak ‘n holte in die middel en roer die eier, water en karringmelk met die kruie, sout en helfte van die kaas by.
- Roer net tot ‘n sagte beslag vorm. Skep beslag in die muffinpannetjie en sprinkel die res van die kaas bo-oor.
- Bak vir sowat 20 tot 25 minute of tot ‘n toetspen skoon uitkom. Laat op ‘n afkoelrakkie afkoel.
Wenk:
- Maak ‘n groot brood met dieselfde mengsel. Skep beslag in ‘n 1,5 liter-broodpan en bak vir sowat 30 tot 45 minute of tot ‘n toetspen skoon uitkom.
- Voeg enige kruie of geurmiddel van jou keuse by die mengsel. Gekapte uie, vars tiemie, paprika of cayenne-peper is heerlik.
Groot Borg: Pharma Dynamics Cooking from the heart Groot Borg: ClemenGold Klein Borg: Cecilia's Farm