Quinoaslaai met gemarineerde sampioene
6 porsies
Slaai
4
Soos gesien in 'n episode van Terwyl ek wag
Bestanddele
8 eetlepels Druiwepitolie
400 g Zucchini in klein blokkies gesny
1 Groot rooi ui in klein blokkies gesny
400 g Bruin sampioene
1 Lourierblaar
2 teelepels Fyn koljander
2 huisies Knoffel fyngekap
Seesout
Swartpeper grofgemaal
1 Suurlemoen se sap
1 1/2 koppie Quinoa
3 koppies Water
1 teelepel Fyn borrie
60 g Songedroogde tamaties die soort in olie, gedreineer, en in blokkies gesny
2 eetlepels Olyfolie
2 eetlepels Appelasyn
1 Suurlemoen se skil fyngerasper
30 g Italiaanse pietersielie grofgekap
Metode
- Sny zucchini en ui in klein blokkies
- Verhit 4 eetlpl druiwepitolie in pan, roerbraai zucchini en ui vir ongeveer 8 minute tot gaar, maar ferm en steeds helder van kleur
- Skep in bakkie en hou eenkant
- Sny sampioene in dik skywe
- Verhit 4 eetlpl druiwepitolie, loerierblaar en knoffel in dieselfde pan
- Braai sampioen vir 2 minute oor hoë hitte
- Skep uit in bak, geur met sout en peper en meng suurlemoensap by, hou eenkant
- Verhit quinoa met water en borrie in kastrol, laat kook totdat daar geen meer vloeistof is nie, ongeveer 10 minute
- Verwyder van hitte, bedek en laat staan vir 15 minute
- Roer zucchini, ui, songedroogde tamaties, olyfolie en appelasyn by
- Geur met sout en peper
- Roer 3/4 van gekapte pietersielie by
- Vul kombuisring op opdienbord, vul 2/3 met quinoa en rangskik sampioene bo-op
- Bedrup met orige vloeistof van sampioene en garneer met res van pietersielie
- Verwyder kombuisring versigtig