Verhit die olie in jou potjie en braai die uie tot sag en gaar.

Voeg die hoenderstukke by en braai hulle tot dit begin verbruin aan al die kante. Geur die hoender met sout en peper en kerrie poeier.

Voeg die knoffel en gemmer by en braai vir nog een minuut.

Voeg helfte van die mango blokkies by die potjie asook die klappermelk. Sit die deksel op die potjie en laat die potjie rustig prut vir 30 - 40 minute tot die hoender gaar en sag is.

Haal die deksel oop, voeg die res van die mango by en laat dit so oop prut vir omtrent 10 - 15 minute tot die sous lekker verdik is.

Bedien die potjie met vars gebakte roosterkoek en geur met ekstra sout en peper na smaak.