Lensie- en sampioenfrikadelle
16 November
Italiaans
4
Soos gesien in 'n episode van Toegang
Bestanddele
Vir die frikadelle:
5 eetlepels Druiwepitolie
1 Ui gekap
2 huisies Knoffel gekap
250 g Bruin sampioene gekap
2 blikke Lensies gedreineer
1/2 koppie Vars Pietersielie gekap
1/2 teelepel Fyn komyn
1/2 teelepel Gedroogde oreganum
Seesout
Swartpeper grof gemaal
1 Eier geklits
2 eetlepels Meel
5 eetlepels Parmasaankaas gerasper
Vir die sous:
2 eetlepels Druiwepitolie
1 Ui gekap
2 huisies Knoffel gekap
1 blik Gekapte tamaties
1/2 glas Rooiwyn
1 eetlepel Suiker
Seesout
Swartpeper grof gemaal
20 g Vars basiliekruid
ekstra Basiliekruidblare
Metode
Vir die frikadelle:
- Verhit 2 eetlpl olie in pan en sweet uie en knoffel vir 10 minute oor medium hitte
- Voeg gekapte sampioene by, verhoog hitte effens en braai tot sampioene gaar is
- Plaas lensies in mengbak, roer uie en sampioene by
- Meng pietersielie, komyn en oreganum by
- Geur met sout en peper
- Meng geklitste eier by
- Meng meel by
- Meng parmesaan by
- Vorm klein frikadelletjies, ongeveer 18, té groot en dit sal breek
- Verhit 2 eetlpl druiwepitolie in pan en braai 6 frikadelle op ’n slag tot goudbruin aan albei kante
- Hou warm
Vir die sous:
- Verhit olie, uie en knoffel in pan
- Braai oor medium hitte totdat ui begin sag raak
- Voeg geblikte tamatie, rooiwyn en suiker by
- Laat prut vir 10 minute
- Kap basiliekruid fyn, roer helfte by sous en laat prut vir 5 minute
- Geur met sout en peper
- Roer res van basiliekruid by
- Skep 2 eetlpl sous op bodems van 6 opdienbakkies of borde
- Rangskik frikadelletjies bo-op sous in elke bakkie of bord
- Garneer met ekstra basiliekruid