Bestanddele
Pesto
½ k vars dille
½ k vars pietersielie
⅓ k gerasperde parmesaan
100 g dennepitte
150 ml olyfolie
1 knoffelhuisie
Vis
2 kg heel salmfillet
5-6 l groente-aftreksel
Metode
- Plaas al die pesto-bestanddele in 'n voedselverwerker en pols tot fyn, hou eenkant.
- Vul 'n posjeerbak met die groente-aftreksel, plaas die vis binne-in, maak seker die vis is heeltemal bedek met water ('n groot pot kan ook gebruik word).
- Bring stadig tot kookpunt.
- Sodra kookpunt bereik word, verwyder van hitte en laat staan vir 5 minute.
- Verwyder vis versigtig uit die water en plaas op opdienbord.
- Bedien met pesto en vars brood.