Bestanddele
Aarbei-jellie:
250ml aarbeisap
2g agar-agar
sap van 1/2 lemmetjie
2 1/2 eetlepels suiker
Slaai:
8 - 10 radyse, gewas en in kwarte gesny
1 rou beet, gewas en geskil
200g gekookte breëbone, afgekoel
200g droeë bokmelkkaas
5 takkies rooibessies
200g gemengde slaaiblare soos jong spinasie en roquette
seesout
grofgemaalde swartpeper
olyfolie
Metode
Aarbei-jellie:
Plaas 125ml aarbeisap, lemmetjiesap, suiker en agar-agar in ’n pot, verhit tot kookpunt en kook vir 2 minute.
Verwyder van hitte, voeg orige aarbeisap by, meng, gooi in bak en verkoel in yskas tot ’n stewige jellie vorm.
Plaas jellie in elektriese menger en meng tot glad.
Voeg teelepel of twee water by om meer egalig te maak indien benodig.
Plaas jellie in plastiek bottel met tuit en hou eenkant.
Slaai:
Sny beet in papierdun snye met mandolien of groenteskiller.
Sny bokmelkkaas in snye en halfeer.
Rangskik radyse, beet, bokmelkkaas, bone, bessies en slaaiblare op groot opdienbord.
Plaas druppels aarbei-jellie tussenin.
Garneer met sout en peper.
Bedrup met olyfolie en bedien.