Dans dat die biesies bewe - Silwerskermfees 2023

Leonard is ’n skaam, sosiaal ongemaklike 40-jarige seun wat sy bes doen om na sy bejaarde ma, Lena, om te sien. Hy dans met haar, voer haar en bad haar selfs voor hy haar snags bed toe help. Dit lyk of sy aan demensie ly, maar haar leë staar en wilde voorkoms skep die indruk dat sy onheilspellende dinge in die mou voer. Een aand begin snaakse dinge gebeur en Leonard sak in die gang inmekaar. Toe hy bykom, sien hy Lena is besig om bitter vreemd op te tree. Johan, ’n naïewe lid van die buurtwag, daag op, maar hy is heeltemal onvoorbereid op die gruwels wat op hom wag.

Loer hier na die finaliste in vanjaar se “Kwêla Feite & Geite”-kompetisie. Onthou dat jy kan stem deur die sleutelwoord te SMS na 33157. Die wenner word 26 November 2023 op Kwêla aangekondig.

Ebi, Zac and Nat, drie hawelose kinders, wil die grootste rooftog nog onderneem om vir Zac, wat amper heeltemal blind is, die nodige spesiale bril te kry. Die plan: ontvoer die Burgermeester van Kaapstad se eksotiese Insta-bekende pappegaai, Kofu – alles in die hoop dat die Burgermeerster ‘n groot geldprys sal betaal aan wie ookal sy sogenaamde “vermiste’ voël vind. Natuurlik verloop niks volgens hulle wilde plan nie.

Een dag van die maand kan nogal ’n angstige affêre vir een helfte van die samelewing wees. Dié dag tref Simone hierdie maand op die mees ongeleë tyd en plek denkbaar – op pad na ‘n allerbelangrike voorlegging aan ’n nuwe kliënt. Gelukkig het sy darem nog een laaste tampon, maar ongelukkig beland dit in die toilet. Boonop is daar nie toiletpapier nie. Haar opsies raak op. As sy die groep mans wat ongeduldig in die raadsaal op haar wag wil wys dat dit wel in haar broek sit om die broek te dra, moet sy die ondenkbare oorweeg. Dié ongemaklike uitweg vereis egter dapperheid en kan dalk nóg probleme veroorsaak.