Gekaramaliseerde groente
05 September
Vegetaries
Dié heerlike groente-dis is tydens ’n episode van Edik van Nantes – Winter voorberei.
Bestanddele
1 kg klein rooi aartappels in medium blokkies gesny
400 g groenboontjies in helftes gesny
1/4 k botter
2 groot uie gekap
1/2 k balsamasyn
1/4 k bruinsuiker
knippie rissiepoeier
3 k botterslaai of cos slaai, gebreek
3 k ander groenslaai soos kruieslaai of waterkers, geen spinasie
swartpeper grofgemaal
Metode
- Kook aartappels en boontjies in liggies gesoute water tot gaar maar ferm.
- Dreineer en hou eenkant.
- Braai uie in botter oor medium hitte tot goudbruin.
- Roer asyn, suiker, rissiepoeier by, roer totdat suiker gesmelt is.
- Roer by aartappels en boontjies.
- Rangskik slaaiblare op groot opdienbord.
- Skep warm groente oor, geur met peper en bedien onmiddellik.