Die Brug

Jacques Broodryk (39) is van Pretoria en werk as ’n woordvoerder vir AfriForum Gemeenskapsveiligheid. Hy is Die Vreemdeling. “Die lewe is ’n ongeploegde land van geleenthede. Dit hang van jou af of jy die ploeg gaan optel, of langs die veld gaan sit en kla oor ander meer suksesvol is as jy.”

Jacques sluit later aan by die spelers wanneer daar reeds ’n hiërargie gevestig is. Jacques is ’n berg- en rivier-gids en ook ’n lyfwag. Hy het ’n ysere wil en geen bang haar op sy kop nie. Jacques is getroud met drie kinders en het ’n liefde vir mense, die natuur en musiek. Hierdie eienskappe lê baie hoog op sy prioriteitslys, maar hy besef dat hy mense steeds geïntimideerd laat voel. Jacques is nie bang om verkeerd opgesom te word nie en neem verantwoordelikheid vir elke besluit wat hy neem – goed of sleg. Hy wil Die brug wen, want hy glo ’n miljoen rand kan definitief help om ’n paar gate toe te stop.