Logo
Binnelanders Slim Homepage 1600x160
web uni tv guide

Binnelanders

144Drama13

Binnelandse Sibbe – Binnelanders

Nuus
15 Julie 2020
Conrad en Elana is nie bloedverwante broer en suster nie, maar het groot geword in 'n huis waar hulle soos broer en suster groot gemaak is.
Sibbe Cover

Conrad se ma, Soekie Kellerman, was swanger met Conrad toe sy Elana se pa ontmoet het. Meneer Bester het Conrad aanvaar en groot gemaak soos sy eie seun, al het hy geweet Conrad was nie sy kind nie.

Na Conrad se ma se dood, is Mnr. Bester weer getroud, en uit daardie huwelik het Elana en die res van die Bester-kinders gekom. Elana is die oudste van die nuwe groep kinders, en het nog altyd haar broer Conrad bewonder - sy wou net soos hy wees, eendag as sy groot is. 

Lojaliteit is iets waarop die Besters hulself roem, en daarom tref Rian Malherbe 'n teerpunt wanneer hy dit vir Conrad uitwys dat hy homself in 'n ongemaklike posisie vind ... In vanaand se episode het Rian vir Conrad uitgewys dat hy nou sal moet kies tussen sy lojaliteit aan Southern Hope, en sy lojaliteit aan Elana.

Die Binnelanders-akteurs is net so 'n hegte klomp wanneer dit by hulle sibbe kom. Ons het 'n paar van hulle gevra om foto's van hul sibbe te deel, en hierdie is wat te voorskyn gekom het:

Kara du Toit bieg dat sy baie beskermend is oor haar jonger boetie, Bekker-Brand.

1594798341 27 1

"My boetie, Bekker-Brand Janse van Rensburg, was my eerste beste vriend. Ons geniet 'n besondere hegte band en as sy ouer sussie sal ek berge vir hom versit. Ek het nog nie iemand ontmoet wat hom leer ken het wat nie sy vriend wou wees nie - of wat nie tyd saam met hom wil deurbring nie. Sy menswees is merkwaardig, so ook dit waaraan hy sy hande lê: hy is 'n briljante kinematograaf en fotograaf. Ons geniet dit om saam te skep!"

Ilne Nienaber pas perfek in by haar groot familie.

1594798520 27 2

"Ek het vier sibbe - en twee aangetroude skoonsussies. My oudste broer is Hanru, en hy is in die versekeringsbedryf. Katinka was vir baie jare 'n KTV-aanbieder, maar is deesdae 'n lektor by TUKS. Boetie Dewaal is 'n aktuaris, en dan die jongste boetie Deon - hy is 'n student op Stellenbosch."

Ben Kruger lyk trots om dié twee dames se broer te wees.

1594798750 27 4

"Riana, Ben en Tharien."​

Erik Holm in die arms van sy suster.

1594799024 27 5

"Kora, Nike en ek. Of anders getitel: 'Twee engele en 'n berg-rot'. Ek dink ek is 3 jaar oud in hierdie foto."

Je-ani Swiegelaar en haar twee sibbe het altyd tyd vir pret.

1594799210 27 je ani

"Ruan, E-andri en ek."

Germandt Geldenhuys​ se liefde vir sy familie straal uit in die foto.

1594799431 27 3

"Links is Andrucia Geldenhuys (25). Andrucia is ’n voltydse mamma van twee (Noah 3 en Emma amper 1) en werk ook deeltyds in die wêreld van lewensversekering. Sy is tans verloof aan Shaun. Rehbart Geldenhuys (24) is ’n pesbeheerder vir ’n groot eiendomsbestuursfirma, maar droom ook van ‘n lewe as sanger, akteur of stand-up comedian."​

Deel met ons 'n foto van jou en jou sibbe op Facebook, Twitter en Instagram en onthou om elke weeksaand om 19:30 in te skakel vir die nuutste drama en intrige wat in die gange van Binnelanders gebeur.