Kevin is ’n gewese landbouskool-leerder, rugbyspeler en talentvolle sjef wat al op ’n jong ouderdom wys hy is ’n uitblinker. Op 24 het hy reeds sy sjef-kwalifikasie verwerf en is hy ook ’n mede-aanbieder van die kosprogram Spyskaart op SABC2 en was hy die wenner van Sjefhuis op VIA.

Hoe ervaar jy ’n Afrika-sonsondergang of die rykdom aan diere, plante, voëls en landskappe in die Kruger Wildtuin as jy nie kan sien nie? Call of the Wild verken hierdie vraag saam met Anika, ’n jong weeskind wat gesiggestremd gebore is, maar ’n verbysterende gawe het om ’n wye verskeidenheid voëlgeluide uit te ken. Hierdie kort dokumentêr volg Anika op ’n buitengewone bos-ontdekkingsreis, ontwerp deur die klankspesialiste Derrick en Sarah Solomon. Dis ’n klanksafari wat jou met nuwe ore na die klanke van die Wildtuin laat luister en jou verstom met wat jy alles kan hoor.

Die “Bravo!”-span het gaan inloer by Liam Bosman, wat die karakter van Johan Swarts vertolk in die kykNET-telenovela, “Diepe Waters”, wat kykers warm onder die kraag het.

Mooiweer en warm se Ruben en Maddy is ’n paartjie wat die beste in mekaar uitbring en ’n gunsteling onder kykers is. Praat jy met die twee spelers wat die rolle speel, Carlo Daniels en Athina Jansen, hoor jy hulle het ook op stel die beste in mekaar uitgebring.