Daylin is die 21-jarige stem van Hanover Park in die Wes-Kaap, wat vir niemand terugstaan nie. Daylin het op die ouderdom van ses sy liefde vir sang ontdek nadat hy in sy eerste kleuterskoolkonsert opgevoer het. Nes sy held, Josh Groban, sing Daylin vir ’n lewe.

Daylin en sy kat, Zigi, glo dat Maak My Famous die beste platform is vir hom om sy beroep na die volgende vlak te stoot. Menigte male moes Daylin hoor dat hy nie goed genoeg is nie, en hoop dat Maak My Famous vir hom die geleentheid sal bied om sy drome te laat bewaarheid.

3 Vinnige Feite:

1. Ek is 'n ekstrovert wat daarvan hou om geselsies aan te knoop, te lag en net myself te wees
2. Ek is 'n baie klierige persoon wat die klein dinge in die lewe koester
3. Ek gee graag advies aan mense wat dit die meeste nodig het en luister selde na my eie advies.