Logo
Slim Billboard Desktop 1600x160 Afgrond

Episode 3 vrae beantwoord – Afgrond

Nuus
10 Maart 2021
Ons kyk weekliks na van die grootste vrae waarmee ons gelaat word na elke episode van die naelbyt-drama Afgrond.
6

Hoe verwerk jy die dood van ‘n ouer?

1615288106 27 2

Die hartseer wat volg wanneer jy 'n ouer verloor, is ingewikkeld. Daar is nie een stel reëls wat jy kan volg om die pyn ligter te maak nie. Daar is nie ‘n regte- of ‘n verkeerde manier om dit te hanteer nie.

Die finaliteit van ‘dood’ kan onwerklik voel, veral as dit 'n ouer tref, iemand wie se teenwoordigheid in jou lewe moontlik nooit gewankel het nie. Die verlies aan hul ondersteuning, leiding en liefde kan 'n groot leemte en pyn laat wat onmoontlik kan genees, selfs al sou hulle dood verwag word.

Dis normaal om hartseer te wees na die verlies van 'n ouer, maar dit is ook normaal dat ander gevoelens dalk oorneem. Miskien voel jy nie hartseer nie, en dit is ook okei. Miskien voel jy net niks, gevoelloos, of verlig dat hulle nie meer ly nie. Na so 'n aansienlike verlies is dit net natuurlik om te sukkel met jou emosies, maar dit is belangrik om jouself al die gevoelens te laat voel. Gaan deur die stappe van verlies. Dit is ‘n moeilike proses en ‘n pynvolle een.

As jy nie bespreek of verwerk wat gebeur het nie, kan jy dit selfs moeiliker vind om te genees en na hul dood aan te gaan. Gesels met 'n berader of iemand wie jy vertrou, dit kan jou help om die las te verlig. Hulle mag dalk nie verstaan waardeur jy gaan nie, maar hulle teenwoordigheid kan jou minder alleen laat voel.

Dit is normaal om tyd te vat om privaat te rou, maar terselfdertyd help dit nie om jouself heeltemal te isoleer nie. Moenie bang wees om om hulp te vra nie, jou ondersteuningsnetwerk is daar vir jou.

Onthou, om te treur is 'n normale, gesonde proses, wat vir almal anders lyk. Behandel jouself met medelye en wees geduldig terwyl jy die tyd neem wat jy nodig het om jou verlies deur te werk.

My man verkleineer my aanhoudend

1615288087 27 1

Om iemand te ‘verkleineer’ is om iemand letterlik klein, onbelangrik of minderwaardig te laat voel. Alhoewel dit maklik is om te verstaan wat ‘verkleinering’ is, is dit moeiliker om dit as verbale- en emosionele mishandeling te identifiseer, want in teenstelling met skree, gebeur dit gewoonlik privaat en word dit mettertyd 'n patroon van mishandeling.

Dit is een ding om 'n sarkastiese toon te hê tydens 'n argument en die ander om heeltyd neerbuigend te wees. Ongelukkig sal die meeste van ons ‘verkleinering’ wat ons ongemaklik laat voel, uit die weg ruim.

Met tyd veroorsaak die effek van verkleinering skade deur jou te verswak en jou selfbeeld stadig af te breek.

Hier is ‘n paar maniere hoe jy ‘verkleinering’ kan identifiseer:

  • Kritiek: Kommentaar of kritiek wat fokus op die negatiewe en jou in jouself laat twyfel.
  • Trivialisering: 'n Opmerking wat jou gevoelens, gedagtes, ervarings of prestasies ongeldig maak en jou onbelangrik laat voel.
  • Afsakkings: Opmerkings om skuldgevoelens uit te lok of jou laat skaam kry.
  • Neerbuigendheid: Verleentheidstaal wat bedoel is om jou selfbewus of vernederd te laat voel.
  • Beledigings: Neerhalende opmerkings wat jou minderwaardig of waardeloos laat voel.
  • Verdiskontering: Om foute of mislukkings van die verlede op te bring.
  • Manipulasie: Bespiegeling om 'n onvleiende idee van jou te skep.
  • Ondermyning: Vrae oor iemand se oordeel of bevoegdheid.

‘Verkleinering’ is 'n bedekte vorm van manipulasie en mishandeling wat geleidelik plaasvind. Die gevolge van verbale- en emosionele mishandeling is langdurig en moeilik om van te genees.

My suster meng in my lewe in…

1615288119 27 3

Baie paartjies het huwelikswenke nodig om hul verhouding aktief te verdedig teen die inmenging van buite partye, omdat daar, as mense, verskeie persone of belangstellings is wat op elke gegewe oomblik vir ons aandag meeding. Hierdie inmenging kan afbrekend wees as daar nie behoorlike perke in plek is nie.

Die probleem lê egter in die feit dat baie paartjies geen idee het hoe om hierdie perke te stel of oor te kommunikeer nie. Jy moet jou fisiese, emosionele en geestelike perke ken. Dit beteken dat jy vas moet stel hoeveel jy kan hanteer en waar om die lyn te trek.

Alhoewel dit goed is om na aan jou familie te wees vir ondersteuning, kan dit later 'n probleem wees wanneer hierdie perke oortree word.

Kan ek ‘n verhoging afkeer?

1615288132 27 4

Om 'n promosie te ontvang, is gewoonlik 'n welkome en opwindende ervaring – gewoonlik, maar nie altyd nie. Die promosie kan lei tot meer verantwoordelikhede wat jy dalk nie wil aanpak nie, of dit stuur jou dalk weg van jou professionele doelwit.

Hier is ‘n paar redes hoekom jy ‘n promosie kan afkeer:

  • Dis die verkeerde tyd: Die promosie mag dalk op ‘n uitdagende tyd in jou lewe of familie geoffer word.
  • Jy is nie gereed nie: Jy voel dalk dat jy nie gereed is om meer verantwoordelikheid aan te vat nie en moontlik eers van jou vaardighede verder wil ontwikkel en verbeter.
  • Jy voel ongemaklik: ‘n Promosie mag beteken dat jy van span moet verander, en die nuwe span of baas maak jou ‘n bietjie ongemaklik voel.
  • Die salaris is nie die moeite werd nie: Dit mag wees dat die ekstra verantwoordelikheid nie ooreen stem met die nuwe vergoeding nie.

Dit is altyd belangrik om waardering te toon vir 'n promosie, selfs al wil jy dit nie aanvaar nie. Moenie die offer dadelik afkeer nie, neem jou tyd om die besluit te maak. Kyk na alle aspekte van die verhoging en die implikasies as jy dit nie aanvaar nie.

Hoe beïndruk ek my nuwe baas?

1615288151 27 5

Wanneer jy met 'n nuwe werk begin, is jou doel, natuurlik, om 'n goeie indruk te maak.

Ons kyk na ‘n paar maniere hoe om jou nuwe baas te beïndruk:

  • Hoe kan jy hul verwagtinge oortref?
    Die kans is groot dat jou baas ‘n vrag werk het wat op jou wag wanneer jy jou voet in die deur sit. Natuurlik kan hulle nie verwag dat jy alles op een dag moet af handel nie, maar kyk of jy ‘n bietjie meer kan doen as wat van jou gevra word.
  • Vertoon uitstekende skryfvaardighede.
    Let op jou grammatika en skryfvaardighede. Jou geskrewe woorde weerspieël jou gedagtes - en jy kan jou nuwe baas beïndruk deur hierdie gedagtes duidelik te deel.
  • Aanvaar terugvoer gewillig.
    Moenie verdedigend raak wanneer jou nuwe baas vir jou terugvoering gee nie. Al voel dit soos die kleinste detail, moet jy verstaan dat die bedoeling van jou baas waarskynlik is om jou te help en nie jou te verneder nie.
  • Wees gretig.
    Pak elke uitdaging ten volle aan. Bewys dat jy in staat is om besluite te neem en effektief op jou eie te werk.
  • Wees empaties.
    Deur jou spanmaats te ondersteun, word vertroue en verstandigheid gebou, wat dit makliker maak om saam met hulle te werk.

Moenie dinge doen net om jouself beter te laat lyk nie. Wees opreg. Doen moeite. En fokus daarop om die span te help en te ondersteun.

Skakel elke Woensdag om 20:00 in vir Afgrond en gesels saam op sosiale media deur die hutsmerk #Afgrond te gebruik.

Jy kan ook nou kykNET stroom op Showmax.