Blink tabberds, flitsende kameras, gesogte beeldjies, trane van vreugde, spitsvondige aanbieders, fantastiese musiekkunstenaars – dís wat op jou wag wanneer die kykNET Silwerskermtoekennings vir Film en Televisie op Sondag, 27 Augustus om 20:00 op kykNET (DStv-kanaal 144) uitgesaai word.
Dié gala-aand het vanaand (Saterdag 26 Augustus) by die CTICC in Kaapstad plaasgevind aan die einde van ‘n bedrywige Silwerskermfees in Kampsbaai waar die jongste Afrikaanse films vertoon is. Maar vir die eerste keer het die fees ook televisie omarm, met televisieloodsprogramme by die fees, en die insluiting van Silwerskermbeeldjies aan die akteurs, aanbieders, en persoonlikhede wat tussen 1 April 2022 en 31 Maart 2023 vir uitmundende vermaak op die kykNET-kanale gesorg het.
Waldimar Pelser, Direkteur: M-Net Premium kanale het die opwindende nuwe toekenningseremonie by die CTICC, kykNET se grootste viering nóg van film en TV genoem, en oor al die sterre in die gehoor gesê: Die mense wat vanaand hier sit, inspireer ons en voer ons mee. Hulle laat ons onsself, ons mense en ons land ook beter begryp.”
Buiten die 31 toekennings by die CTICC, is die twee legendes Freek Robinson en Cedwyn Joel vereer vir hul lewensbydraes tot die plaaslike vermaaklikheidsbedryf. Die vervaardiger André Scholtz is ook Saterdagoggend by die Silwerskermfees se Tegniese Toekennings in Kampsbaai vereer.
Hier is die lys van die wenners vir Film en Televisie:
Beste ondersteunende rol in ’n drama
Nicole Holm – Donkerbos
Speelfilm: Beste ondersteunende akteur
Joshwin Dyson – Old Righteous Blues
Speelfilm: Beste ondersteunende aktrise
Bianca Flanders – Frankie & Felipé
Beste nuweling in ’n telenovela of sepie
Devonecia Swartz – Arendsvlei
Beste aanbieder: Kookprogram
Alfred Adriaan – Roer!
Beste aanbieder in ’n leefstylprogram
Nataniël – Nataniël. Erik. Wolf.
Beste skurk in ’n telenovela of sepie
André Odendaal – Binnelanders
Beste aanbieder in ’n speletjiesprogram
Rian van Heerden – Wie word ’n miljoenêr
Kortfilm: Beste akteur
Gershwin Mias – Die Blokke
Kortfilm: Beste aktrise
Roeline Daneel – As
Beste aanbieder in ’n gespreksprogram
Heindrich Wyngaard – KLOP!
Beste aanbieder in ’n realiteitsprogram
Bertus Basson – In die sop
Beste akteur in ’n telenovela of sepie
Dann-Jacques Mouton – Arendsvlei
Beste aktrise in ’n telenovela of sepie
Cindy Swanepoel – Binnelanders
Beste TV-oomblik van die jaar
Suidooster – Mnr. en Mev. Samsodien se troue
Beste akteur in ’n komedie
Desiré Gardner – Magda Louw
Beste aanbieder in ’n buitelug-aktiwiteitsprogram
Dewald Visser – Mal kamper
Beste aanbieder in ’n joernaalprogram
Hannes van Wyk – Kwêla
Beste akteur in ’n drama
Edwin van der Walt – Donkerbos
Beste aktrise in ’n drama
Erica Wessels – Donkerbos
Beste TV-film
Vuurdoop – André Velts Films
Beste ensemble-aanbiederspan
La’t wiel
Beste aanbieder in ’n aktuele program
Lourensa Eckard – In gesprek
Beste kortfilm
’n Doop om stilte
Persoonlikheid van die jaar
Jonathan Rubain – Koortjies
Speelfilm: Beste regisseur
Corné van Rooyen – Hans steek die Rubicon oor
Speelfilm: Beste akteur
Pierre van Pletzen – Hans steek die Rubicon oor
Speelfilm: Beste aktrise
Carla Smith – Die tragiese saak van Pamina Vermaak
Speelfilm: Beste speelfilm
Hans steek die Rubicon oor
Lewensbydrae
Cedwyn Joel (Commendatio deur Dawie Carollisen)
Freek Robinson (Commendatio deur Wilma Alant)
Hier is die lys van die wenners vir Tegniese Toekennings:
Speelfilm: Beste produksie-ontwerp
Dean Abrahams – Old Righteous Blues
Speelfilm: Beste oorspronklike klankbaan
Edward George King – Old Righteous Blues
Speelfilm: Beste draaiboek
Elanie Rupping, Bibi Slippers – Die tragiese saak van Pamina Vermaak
Speelfilm: Beste klankontwerp
Tim Pringle – Blindelings
Speelfilm: Beste kinematografie
Johannes Pieter Nel – Die tragiese saak van Pamina Vermaak
Speelfilm: Beste redigering
Eva du Preez – Die tragiese saak van Pamina Vermaak
Kortfilm: Beste kinematografie
Alfonzo Franke – Die Blokke
Kortfilm: Beste oorspronklike klankbaan
Edward George King – Volle bors
Kortfilm: Beste klankontwerp
Adriaan Drotsché (Audiopimps) – Die Swart Draak ontwaak
Kortfilm: Beste redigering
Johannes Pieter Nel – Die Swart Draak ontwaak
Kortfilm: Beste produksie-ontwerp
Burger Meyer – Karen
Kortfilm: Beste draaiboek
Roxanne Blaise & Mujaahid Valley – Die Blokke
Kortfilm: Beste regie
Emilie Badenhorst & Kanya Viljoen – ’n Doop om stilte
Beste dokumentêr
Besmet
Dokumentêr: Beste regie
Reginald Hufkie & Frankie Opperman – Langafstand
Dokumentêr: Beste redigering
Adi van der Walt – Besmet
Dokumentêr: Beste klankontwerp
Call of the Wild – Renier van Niekerk
Spesiale Vermeldings:
Franci Swanepoel
Ensemble-spel – Straatrotte
Garderobe – Old Righteous Blues
Grafika – Straatrotte
Choreografie en waaghalstoertjies – Die Swart Draak ontwaak
Poppespel – Thrift tot die dood
Bradley Olivier
Lewensbydrae
André Scholtz
Feesgunsteling
Straatrotte