Indien Kokkedoor Vuur & Vlam jou nuuskierig gemaak het oor Struisbaai en Agulhas en jy op soek is na daardie laaste bietjie aansporing om te gaan vakansie hou in dié mooi kusgebied van Suid-Afrika, lees gerus voort...
Dié twee dorpies is geleë in die Overberg Distrik sowat 200km vanaf Kaapstad.
Struisbaai was eers ‘n vissersdorpie, maar is nou meer bekend vir toeriste-aantreklikhede soos visvang en duik.
Die dorpie se argitektuur herinner aan die ou wit vissers huisies van jare gelede met grasdakke – van hierdie historiese huise is ook te huur.
Die dorpie Agulhas, 4km vanaf Struisbaai benodig geen verduideliking nie – dit is wêreldwyd bekend as die dorp waar die Indiese en Atlantiese oseaan kruis en dit is ook die mees Suidelike punt van Afrika.
As jy besoek aflê aan dié twee dorpies is die hawe in Struisbaai ‘n “moet-sien” met ‘n fantastiese promenade en restaurante. Jy kan ook heerlik kyk vir die skepies wat dobber in die hawe.
Die ligtoring in Agulhas is ook beslis die besoek werd: Dié ligtoring is al in gebruik van 1849 af en dit maak dit die tweede oudste werkende ligtoring in Suid-Afrika. Dié gebou is ook verklaar tot ‘n nasionale monument is 1973.
Skakel in vir Kokkedoor Vuur & Vlam op Donderdae om 20:00 op kykNET, kanaal 144 en gesels saam op Facebook, Twitter en Instagram deur die hutsmerk, #KokkedoorVuurVlam te gebruik. Dié reeks kan ook geniet word op DStv Stream.