Mandy is ‘n versorger wat altyd ander mense se behoeftes voor haar eie plaas. Mandy het nie ‘n goeie verhouding met haar eie ma gehad nie, so toe sy self ma word, het sy haarself belowe dat sy haar dogters gaan trots maak op hul ma. Clare se eerste doelwit was om Mandy se tuiste ‘n plek te maak waar sy ordentlik kan rus na ‘n lang dag se harde werk. Met die hulp van Checkers kon Clare en die span Mandy se hele plekkie oordoen, met ‘n nuwe kasruimte vir haarself en haar twee dogters, rustiger kleure en meer pakplek.
Mandy het omtrent geen velsorg toegepas voor Mooimaak nie. Laserderm het ingetree met hulle Forma-RadioFrekwensie, spesifiek gebruik om Mandy se nek, wange en ooglede se bloedtoevoer en velvernuwing te stimuleer en gefokus op “teen-Veroudering” prosedures. Hierdie is ‘n nie-indringende bi-polêre radio-frekwensie wat gebruik word om vel weer te verstewig. Sy het ook minimaal toksiene gekry by Dr Cara Duminy om haar pragtige oë oop en helder te laat vertoon.
Lamelle het ook Mandy se velsorg opgeknap met hulle Correctives Brightening Serum. Hierdie produk word spesifiek geformuleer om hiper-pigmentasie te bestuur. Correctives Brightening Serum beveg ook inflammasie, verhelder die vel en is geskik vir alle vel tipes.
Die Lamelle serum is beskikbaar op die aanlyn winkel Dermastore.
Mandy dra ‘n boonste gebit, maar Dr Melissa Brink van JJS Dentistry het vir Mandy ‘n nuwe, verbeterde gebit ontwerp en het met harsverbinding en Phillips Zoom-bleiking Mandy se onderste tande weer laat skitter.
Mandy is ‘n ongelooflike sterk vrou wat al baie swaar in haar lewe moes deurmaak. Mooimaak het vir haar die geleentheid gegee om vir ‘n slag aandag te gee aan haarself en om ‘n ma te wees waarop haar dogters kan trots wees – maar natuurlik, was hulle nog altyd!
“My mooimaakreis....waar begin ek?
Ek het soveel wonderlike dinge geleer gedurende my mooimaakreis. Eerstens het ek nie gedink dat so- iets moontlik sou wees vir my nie. Ek het geleer om meer positief teenoor myself en die lewe te wees. Ek het goeie mense wat later my familie geword het ontmoet op Mooimaak. Ek het geleer om meer te fokus op myself en nie net te fokus op ander nie. Baie dinge wat ek nie geweet het nie het ek op Mooimaak geleer. Ek is dankbaar dat ek hierdie wonderlike geleentheid gekry het om myself op televisie te kan sien. Ek glo dat God ingetree het en hierdie wonderlike Mooimaak-span op my pad gestuur het. Ek het nou meer selfvertroue in myself.
My familie en vriende kan nie genoeg uitgepraat raak oor hoe wonderlik en pragtig my voorkoms en my gesondheid verander het nie. Ek wil ook graag die Mooimaak-span en Marche Media bedank vir die wonderlike en vriendelike saamwerk op my reis." – Mandy Coericius
Mooimaak word met trots geborg deur Finbond Mutual Bank.
Skakel Donderdae om 21:00 in vir die nuutste Mooimaak-reis, en gesels saam op Facebook, Twitter en Instagram deur die hutsmerk #Mooimaak te gebruik.