Amptelike lokprent – Klein Karoo 2

Welkom by Pronk Primêr, 'n laerskool op 'n klein dorpie waar 5 vriende en hul eertydse skoolhoof, Mnr. Welgehawe, steeds na al die jare werk. Kom verken die daaglikse lewe en uitdagings wat onderwysers in die gesig staar, binne en buite die klaskamer. #PronkPrimêr begin Maandag 1 Julie op #kykNET DStv kanaal 144 of stroom op #DStvStream.

In ’n tyd van gevaarlike onsekerheid in ons land, is daar net een uitweg vir ’n eerlike man. Kom saam op ’n Groot Trek vanaf die droogste vlaktes van die Karoo tot die hoogste pieke van die Drakensberge. Beleef die passie van 'n oorrompelende liefde met die donkerste skadu. Kyk geskok toe hoe die woede van jaloesie, vriende en vennote teen mekaar draai. Met gevare om elke kronkel en draai van hul reis, sal die ontembare gees van die Suid-Afrikaner oorleef? Vind uit in: Die Groot Twis. #Silwerskermfees

Hierdie dokumentêr is ’n reis saam met die fotojoernalis Willem van der Berg op soek na ’n verlore draadspanner van die Hardemanskaroo, Hans Jors. Willem het ’n jarelange en noue verbintenis met Hans, maar nou is daar geen teken van Hans nie, en die boer vir wie hy ’n hele Karoo-koninkryk toegespan het, wil niks sê nie. Met die lostorring van die raaisel rondom Hans, word die skerp skeidslyne in ’n ongenaakbare landskap en verdeelde gemeenskap sigbaar. Dit is ’n storie oor mense wat aan die verkeerde kant van die draad gebore is. Die kant waar jy net kan stilraak. Verdwyn. En niemand iets daaromtrent kan doen nie. #Silwerskermfees

Elsabe Marais, ’n weduwee in haar 80’s, en haar drie bejaarde vriendinne, onderneem ’n skreeusnaakse reis deur die Karoo om ’n meteorietstorting in Sutherland te beleef. Hulle het net drie dae om daar uit te kom, maar as hulle daardie paal wil haal, sal hulle haar oorbeskermende seun, wat warm op hulle spoor is, moet ontduik. #Silwerskermfees