Tannie Elizabeth se kaasbotterbroodjies
01 Julie
12 Botterbroodjies
Gebak
3
Kry die Koekedoor-beoordelaar tannie Elizabeth se heerlike kaasbotterbroodjie-resep hier.
Bestanddele
500 ml koekmeel
20 ml bakpoeier
5 ml mosterdpoeier
knippie sout
knippie rooipeper
15 ml suiker
250 ml sterk cheddarkaas
80 ml botter
1 eier
100 ml melk
eier (vir glasuursel)
Metode
- Voorverhit die oond teen 200 °C.
- Sif al die droë bestanddele saam en vryf die botter in. Voeg nou die kaas by en meng goed.
- Klits die eier en melk saam en sny dit in die droë bestandele in met n mes.
- Druk die deeg liggies plat (ongeveer 2 cm) en druk ronde vorms uit (maak dit ongeveer 6 cm in deursnee).
- Plaas op ’n bakplaat en verf met die eier en melkglasuursel. Bak tot deurgaar – ongeveer 15 minute.
Hierdie resep is eksklusief tot kykNET en die bakboek Koekedoor 2. Dit mag slegs met die toestemming van kykNET en Human & Rousseau gepubliseer word, hetsy elektronies of in druk.