Bestanddele
Amarula-stroop
250 ml Amarula
100 g strooisuiker
1 kaneelstokkie
250 ml Amarula
100 g strooisuiker
1 kaneelstokkie
Kolwyntjies
45 g kakaopoeier
200 g bruinsuiker
200 ml water
125 g botter
100 g donkersjokolade
175 g koekmeelblom
5 ml bakpoeier
5 ml koeksoda
knippie sout
2 eiers
5 ml vanielje-ekstrak
45 g kakaopoeier
200 g bruinsuiker
200 ml water
125 g botter
100 g donkersjokolade
175 g koekmeelblom
5 ml bakpoeier
5 ml koeksoda
knippie sout
2 eiers
5 ml vanielje-ekstrak
Witsjokolade-mousse
500 g witsjokolade
75 g vloeibare glukose
75 ml water
30 ml vanielje-smeer
375 ml room
500 g witsjokolade
75 g vloeibare glukose
75 ml water
30 ml vanielje-smeer
375 ml room
Metode
Amarula-stroop
- Bring al die bestanddele stadig tot kookpunt. Kook vir 2-3 minute. Koel af en bottel.
Kolwyntjies
- Voorverhit die oond tot 180°C. Maak seker die oondrak is in die middel van die oond. Voer twee kolwyntjie-pannetjies uit met papiervormpies.
- Meng die suiker en kakaopoeier. (Dit help om die kakaopoeier op te breek.) Verhit saam met die water en botter. Gebruik 'n ballonklitser en roer gereeld.
- Maak seker die suiker het opgelos. Verwyder van die hitte en roer die sjokolade in om te smelt. Staan eenkant.
- Sif die droë bestanddele saam. Drie keer as jy wil.
- Klits die eiers en vanielje saam. Klits dit goed in die sjokolade-mengsel in.
- Giet die sjokolade-mengsel oor in 'n mengbak groot genoeg om die beslag te hanteer. Meng die droë bestanddele in twee dele by. Pasop vir oormeng.
- Verdeel die beslag gelyk in 24 kolwyntjies. Bak vir 15 minute. Doen die nodige toets vir gaar voor jy die kolwyntjies uit die oond verwyder. Koel af, spuit in met die heerlike Amarula-stroop en versier.
Witsjokolade-mousse
- Smelt die sjokolade en roer glukose daarby in. Moenie skrik nie. Die mengsel sal lelik raak. Roer koue water by. Nou behoort die mengsel reg te kom en sal lyk soos kondensmelk.
- Roer die vanielje by.
- Vou die room in drie sarsies in.
- Vul 'n spuitsak en versier na hartelus.
(Hierdie resep is eksklusief tot kykNET en die bakboek Koekedoor 2. Dit mag slegs met die toestemming van kykNET en Human & Rousseau gepubliseer word, hetsy elektronies of in druk.)